挖深一點

繼上次考古行動取得成功，今回再接再厲。
據地層分析顯示，時間是1985年，遺物名稱：張學友《AMOUR遙遠的她》。

大隻字寫明「特別鳴謝：澳門聖地牙哥酒店借出攝影場地」，唔講，你認得出灣仔的日落風光嗎？更搞野的是攝影師玩玻璃光影，歌神塊面收埋左係一片灰霧後面。我唔敢話唔靚，但今時今日一定無影師人夠膽收天王錢咁影法。真此一時也彼一時也；1985年，Minolta X-700都夠膽叫自己做「全自動相機」(當然，一百年後我地的子孫輩一樣會話「唔識摺衫放入櫃點叫全自動洗衣機？咪╳玩野啦！」，那是後話)。

《月半彎》已是不用介紹的經典了。MV裡沙灘帳篷宿一宵，多麼八十年代的場景。更有未來老婆做MV女主角，神奇度拍得住豬僻合照。
題外話一則：聽完呢隻碟還是覺得歌神咪去唱jazz了，正正經經重錄返咁多年黎既金曲，一定大有收穫。